FOREX арилжааны хичээлүүд

Яаж эхлэх нь чухал биш яаж дуусгах нь чухал

2009-10-12T00:48:00.002-07:00

.................................................................................................................................................................

Бид ард түмэндээ дэлхийн хамгийн том санхүү болон бараа бүтээгдэхүүний зах зээл болох Форекс биржийг зөв таниулах мөн Форекс арилжааны талаарх зөв ойлголт, арилжааны зөв сургалт өгөх талаар бүхий л нөөц бололцоогоо дайчлан ажилласаар өнөөг хүрлээ.
Монголчууд бид дэлхийн эдийн засгийн хөгжилтэй хөл нийлэн алхахад хамгийн эхний алхам нь Форекс биржийн талаар зөв, цэгцтэй ойлголттой болох хэрэгтэй юм. Бид өнөөдөр дэлхийн санхүүгийн хямралын талаар ярихдаа юуны түрүүнд, өөрсдийгөө дэлхийн зах зээлээс хол байсан ба их зүйл алдаагүй харин ч азтай хүмүүс гэж ярих юм. Харин нөгөө талдаа үүнийг юу гэж тайлбарлах вэ? гэдэг асуулт бидэнд тулгарч байгаа юм.

Дэлхийн эдийн засгийн хөгжил одоо шинэ үе, шинэ тогтолцоог хийхийн өмнөх гараан дээр ирээд байна. Дэлхийн баялгийн хуваарилалтын цоо шинээр хийж, цоо шинээр үнэлэх гэж байгаа энэ торгон мөч дээр монголчууд бид зогсож байна. Одоо бидэнд, урьд нь мэдээгүй, хамт байгаагүй, байгаад болсон юм гээд энэ асуудалд онц ач холбогдол өгөлгүй байж байгаад бүх зүйлээс ахиад л хоцорч үлдэх үү? Эсвэл энэ хуваарилалтанд орж өөрийн орны эд баялгийг зөвөөр үнэлүүлж, цаашид тив дэлхийн хэмжээний бирж дээр монголын үнэт цаас, хувьцаа, үнэт металл болон бараа бүтээгдэхүүн зарагддаг болгож энэ том тогооноос хоол хуваалцах уу? гэсэн асуулт гарч байна.

Өнөөдрийн байдлаар Форекс бирж дээр 1 өдөрт 4 триллион доллар эргэлддэг гэсэн судалгаа бий. Энэ бидэнд сонин биш гэж үү? Үүнээс бид өөрсдийн боломжит хэмжээгээр хувь хүртэж болохгүй, чадахгүй гэж үү? АНУ-н хүн амын 70-80% (300 сая хүн амтай) нь бирж болон хувьцааны талаар маш өндөр ойлголттой байдаг ба цалингаас гадуурх мөнгөн хуримтлалыг аливаа нэг хувьцааны ашигаас, цаашлаад аливаа нэг брокерын пүүсүүдээр дамжуулан үйлчилүүлж боломжит орлогыг тогтмол олдог байна. Монголчууд бид, бүгд арилжаачин (трейдер) болох албагүй ч харин бүгд форекс хэмээх том зах зээлийн талаар мэддэг байх шаардлагатай.
Форекс арилжаанд хийгддэг техник болон суурь шинэжилгээ нь таны бизнесийн ирээдүй, барааны үнийн өсөлт бууралтын алсын чиг хандлагыг гаргахад маш том тулгуур шинжилгээний үндэс болдог. Та өөрийн бизнесдээ алсын хараатай, стратегийн зөв бодлоготой байвал ямар ч үед эрсдэлгүй ажиллаж болох талаар та мэдэж болно.

Та бүхэндээ зориулж бид Форекс арилжааны талаарх 3 цуврал ном гаргалаа. Тус номонд дэлхийн шилдэг трейдерүүдийн арилжааны нууц, стратеги зэрэг форекс арилжаанд амжилттай оролцож болох бүх программуудыг мэргэжлийн болон шинжилгээ судалгааны үүднээс бичсэн болно.

Номын танилцуулга

1-р ном: Эллиотын давалгаа буюу түүний математик загварчлал арилжаанд хэрхэн ашиглагдах. Үнэ:15.000Т

2-р ном: Эллиотын давалгаа + Фибо торыг яаж хамтад нь ашиглан арилжаанд оролцох. Үнэ:20.000Т

3-р ном: Эллиотын давалгаа + Фибо тор + индикатор + мэдээ зэргийг нийлүүлэн хэрхэн ажиллах. Арилжааны стратегүүд. Үнэ:25.000Т

Жич: ном авсан хүнд техник шинжилгээг бүтэн жилийн хугацаанд үнэгүй өгнө.

Та бүхнийг хүндэтгэсэн Д. Баатарсүх

Өдөр бүр техник шинжилгээ

2009-10-12T00:34:00.003-07:00

..................................................................................................................................................................

Тус техник шинжилгээг ном авсан хүн бүрд 1 жилийн хугацаанд үнэгүй өгнө. Жич: эрх авсан хүнд майл хаягаар нь явуулах болно.

Зураг дээр дарж томруулж үзнэ үү!

* Фибоначчи тороор арилжаа хийх 5 арга

2009-10-03T05:39:00.000-07:00

...............................................................................................................................................................

Форекс арилжаанд Фибоначчийн тооцооллын багаж хэрэглүүрүүдийг их өргөн ашигладаг. Трейдэрүүд түүний математикийн нууцлалтай хэд хэдэн туршилтуудыг хийж энэхүү арга барилын олон сайн талуудыг ол мэдсэний дараа Фибоначчи бүр ч их нэрд гарчээ.

Фибоначчи хувилах түвшингийн аргаар арилжаа хийх үндсэн 5 арга:

Фибоначчи харьцаа бол бол трендийн хөдөлгөөний ба трендийн эсрэг – нөхөн сэргэлтийн 38,2%, 50%, 61,8% гэсэн хувиуд дээр үүсдэг коррекцийн хөдөлгөөний анхдагч түвшингүүдийн хоорондын холбоог зааж өгдөг байна. Энэхүү харьцааг та трендийн дараа аль ч чиглэлд хэрэглэж трендийн эсрэг хөдөлгөөнүүдийн түвшингийн хэтийн төлөв (прогноз) хийж болох юм. Фибоначчи түвшингийн торыг хамгийн тодорхой мэдэгдсэн давалгаанууд дээр дээшээ эсвэл доошоо татаж Фибоначчийн хувийн түвшин нь арилжааны үнийн гол гол түвшингүүдтэй таарч байгааг та харах болно.

График дээрх график модель ба Фибоначчийн нөхөн сэргэлтийн түвшингүүд таарах нь арилжаа хийж буй танд арилжааны маш сайн дохио (сигнал) өгч байгаа юм. Фибоначчийн түвшинг эцэслэн тогтооход максимум ба минимум, өдрийн дундажуудын анализ сайтар хийж байх хэрэгтэй юм.

Форексийн үндсэн график модель ба Фибоначчийн нөхөн сэргэлтийн арилжаа хийх түвшингүүд зөрөх тохиолдолд ашиг олохын оронд зах зээлийн шуугианд (коррекцид) хүргэдэг байна. График дээр анализ хийхэд зөрчилдөөн гарч байвал тэрхүү графикаар арилжаа хийх хэрэггүй. Ийм зөрчилдөөнүүд анализ хийхэд үнийн график дээр маш олон трендийн өөрчлөлт – үнийн эргэлтэнд хүргэдэг болно. Харин Фибоначчийн түвшингүүд ба форексийн график моделиудын зурагууд хүчтэй таарч байвал танд үнийн жижиг хүрээлэлд ч трендийн үнийн эргэлтийг урьдчилан тооцоолж болох таатай нөхцөл үүснэ.

Фибоначчийн арилжааны түвшинтэй ажиллах үндсэн 5 төрлийн аргаа одоо тайлбарлая.

Энэхүү 5 аргыг та өөрийн техникийн багажийн хавтсандаа оруулж форексийн (CFD Futures) захууд дээр арилжаа ба анализ хийхдээ ашиглаж байхыг хичээгээрэй. Энэ нь танд олон жилийн турш мянга мянган доллар олж бас хэмнэхэд тус болно гэдэгт би итгэлтэй байна.

1. Анхны өсөлт / анхны азгүйтэл:

Энэ бол цагийн хязгаар дотор анхны 100 хувийн нөхөн сэргэлт юм. Энэ нь шинэ максимум эсвэл минимумын дараа трендийн үнийн эргэлт болно гэдгийг анхааруулж байна. Фибоначчийн хуулиар бол 100 хувийн нөхөн сэргэлт нь үнийн үндсэн чиглэлийг саруулж улмаар тухайн трендийг дуусгавар болгоно. Хэрвээ өмнөх тренд нь Фибоначчийн хуучин татсан түвшингийн 38 хувийг давж гарвал өмнөх тренд нөхөн сэргээгдэж болно. Ихэнх трейдэрүүд энэ түвшинг шинэ арилжааны захиалга нээхэд (өнгөрсөн трендийн эсрэг бага рисктэй бодолцож) ашигладаг.

Зураг дээр дарж томруулан харна уу!

2. Параболын араас агнах нь:

Параболийн хөдөлгөөн нь форексийн зах зээл дээр Фибоначчийн арилжааны түвшингүүдээр бол бүх трендүүдийн үед 0% - 38,2% ба 61,8% – 100%-ийн хооронд болдог байна. Энэ хууль нь ханшийн өсөлт уналтын том трендүүдийг олоход сайхан боломж олгодог байна. График дээрх Фибоначчийн 38,2% эсвэл 61,8%-ийн нөхөн сэргэлтийн түвшингүүд дээр үүсч байгаа үнийн бөөгнөрлийг сайтар ажиглаж байгаарай. Бөөгнөрлийн хэсгээс ханш хэтэрч гарсан тэр үед л арилжааны энгийн системийг ашиглаарай. Харин дараагийн огцом хөдөлгөөн аюултай байх магадлалтай. Хэрвээ үнэ маань соронздуулсан мэт өнгөрсөн (хуучин) максимум эсвэл минимум ханш руу тэмүүлбэл параболийн араас агнах гэсэн энэхүү стратегийг ашиглана. Хамгийн чухал нь энэ түвшингүүдийг та урьдчилан тогтоож чадсан байх шаардлагатай бөгөөд энэ тохиолдолд зөв байна гэж үзээрэй

Зураг дээр дарж томруулан харна уу!

3. ГЭП-ийн үргэлжлэл:

Ихэнх үед ГЭП-ийн үргэлжлэлийг Фибоначчийн түвшингүүдийг тэлэх (өргөсгөх) багаж болгон ашиглан энэхүү ралли эсвэл уналт яг аль цэг (үнэ) дээр очиж дуусахыг та олж чадна. ГЭП-ийг үнийн вертикал давалгааны үхмэл (тасархай) цэг дээр байгуулах маягаар олно. Түүний дараа Фибоначчийн торыг одоогийн трендийн эхнээс эхлээд үргэлжлүүлэн Фибоначчийн нөхөн сэргэлтийн 50 хувийн түвшинг яг ГЭП-ийн тэг дунд нь байрлуулахаар зурж дуусгана. Фибоначчийн торын үргэлжлэл нь ралли эсвэл уналтын эцсийн үнийг зааж өгнө.

4. “Шөнийн тор”:

Зах зээлийн идэвхитэй дурын нэгжийг сонгож аваад түүний сессийн сүүлчийн арилжааны цагийн үед үзүүлсэн максимумаас (эсвэл минимумаас) Фибоначчийн торыг зурж эхэлнэ. Дараа нь Фибоначчийн торыг дараагийн өглөөний арилжааны эхний цагийн минимум (эсвэл максимум) хүртэл эсрэг тал руу нь татна. Энэхүү үнийн давалгаануудийг форекс арилжаа хийгч трейдэрүүд өдрийн доторхи огцом хөдөлгөөнүүдийг олж харахад тус болдог юм. Шөнийн тор нь бас өглөөний ГЭП дээр (сээсийн тасралтийн үед) арилжаа хийх стратеги өгдөг байна. ГЭП нь Фибоначчийн нөхөн сэргэлтийн гол түвшингүүдээр ихэвчлэн өнгөрдөг ба аткатын огцом хөдөлгөөний үед арилжаанд бага рисктэй оролцох боломж байна.

Зураг дээр дарж томруулан харна уу!

5. Хоёрдах максимум / минимум

Арилжаа хийж буй ихэнх трейдэрүүд Фибоначчийн торыг хаана зурахаа тодорхойлж чаддаггүй. Арай илүү тохиромжтой газарт нь зурах аргыг заа өгье. Ихэнх цагуудын үед үнийн график дээр авсолют максимум (үнийн максимальный дүн) эсвэл минимум нь Фибоначчийн торыг зурах таатай цэг болж өгдөггүй юм. Үүний оронд одоогийн трэнд эхэлсэн үнэ бөөгнөрсөн хэсэгт бага зэргийн “хоёр ёроол” эсвэл “хоёр оройг” танд олохыг зөвлөж байна. Фибоначчийн торын нэг дэх өнцгийн биш хоёр дах максимум (эсвэл хоёр дах минимум) дээр байрлуул. Энэ нь танд арилжаа хийх гэж оролдож байгаа тус трэндэд харъяалагдах Эллиотын тодорхой давалгааг сонгоход тус болно.

Зураг дээр дарж томруулан харна уу!

* Форекс робот 1

2009-10-03T05:34:00.000-07:00

.............................................................................................................................................................

зураг дээр дарж томруулан үзнэ үү!

Тус робот нь Оросын инженерүүдийн 2008 оны 10 сард гаргасан индикатор давтамжийн зарчмыг барьж ажилладгаараа өмнөх роботоосоо ялгаатай юм. Үнэ:450$
Жич: Хүн болгонд нэг асуулт байдаг хэрэв робот авч ажиллуулаад бүгд баяжчих юм бол яагаад өнөөдрийг хүртэл Форекс арилжаа хийж байгаа хүн бүр амжилттай байдаггүй юм бэ?
Асуудлын нууц нь тухайн роботыг өөрийн арилжаа хийж буй платформын онцлогт тохируулан программчилснаар робот ашигтай ажилладаг юм. Үүнийг хүссэн трейдер болгон хийж чаддаггүй нь асуудлын гол юм. Манайх эдгээр роботуудыг авсан хэрэглэгч бүртээ программыг нь бичиж суулгаж өгнө. Мөн роботтой ажиллах талаар сургалт давхар явуулна. Анхаарах зүйлс: роботууд зөвхөн Мета4 платформ дээр ажиллана.

* Форекс робот 2

2009-10-03T05:17:00.000-07:00

..................................................................................................................................................................

Уг роботын арилжааны мөнгө өсгөсөн дансны хуулга

зураг дээр дарж томруулан үзнэ үү!

Тус робот нь графикийн давтамжийг барьж түүний тооцоолол дээр шинжилгээ гаргаж арилжаа хийдэг. Үнэ 280$

* Форекс индикаторын ажиллах зарчим

2009-10-03T05:13:00.000-07:00

..........................................................................................................................................................

Математик арга:

Техник индикатор гэдэг нь ханш болох хэмжээн дээр үндэслэн байгуулсан математик функц юм.

Индикаторуудыг ерөнхийд нь хоёр хэсэгт ангилдаг.

Ерөнхий хандлагыг тодорхойлогч индикатор (хандлагын чигийг баталгаажуулдаг)

Осциллятор (трэндийн өөрчлөлтийг таамаглахад ашигладаг)

Ерөнхий хандлагыг тодорхойлогч индикатор:

Дунджаар мөлхөгч (Moving Average)

Дунджаар мөлхөгч нь судалж байгаа үнийн давалгаануудыг хэд хэдэн түүхэн үеүүдэд тохиолдсон байдлаар нь дундажлах техник шинжилгээний нэгэн хэрэгсэл юм. Дундажлах аргаар тодорхойлсон үнэ нь одоо тохиолдох гэж байгаа үнээс ямагт хоцорч мэдээлдэг нь энэ индикаторийн гол сул тал юм. Дундажаар мөлхөгч нь дундажлах байдлаараа ялгаатай хэдэн аргуудтай.

Жирийн мөлхөгч (Simple Moving Average)

Тодорхой нэгж хугацаанд болсон хаалтын ханшуудын нийлбэрээр дундажладаг арга.

P1, P2, P3, P4, P5, P6 ……. P10

Pi – нэг лааны (нэгж хугацааны) хаалтын ханш

MAn = (P1+P2+P3+………..Pn)/n

n - нь дунджаар мөлхөгч бодогдож байгаа хугацааны үелэл хэмжээс.

Энэ дунджаар мөлхөгчийг энгийн гэж нэрлэдэг бөгөөд их түгээмэл ашигладаг. Ерөнхийдөө хоёр дундажлагч шугам ашигладаг.

МА9 = 9

МА14 = 14

9, 14 – хугацааны үелэл

МА9, МА14 энэ хоёр дундажууд нь огтлолцох үед чиглэл өөрчлөгдөх дохио өгдөг.

Дутагдалтай тал нь:

Дохионы системийн хоцрогдол үүсгэдэг.

Давуу тал нь:

Трэндийн чиглэлийг хялбархан тодорхойлдог бөгөөд эсэргүүцлийн болон дэмжигч шулууны үүргээр ч мөн ашигладаг. Дэнслэх мөлхөгч (Weighted Moving Average)

P1, P2, P3

Түлхэгч мөлхөгч (Exponential Moving Average)

P1, P2, P3

Осцилляторууд:

Осцилляторуудын үндсэн дохио нь Дивергенц юм.

Дивергенц гэдэг бол техник индикатор болон ханшийн хөдөлгөөний чиг зөрж заахыг хэлнэ. Дивергенц нь трэнд огцом өөрчлөгдөх том дохио юм. Дивергенцийг баавгай болон бух гэж ялгадаг. Дивергенцийн жишээг дор дурьдах болно.

Осциллятор (Price oscillator - OSC)

Энэ нь техник шинжилгээний хамгийн түгээмэл аргуудын нэг юм. Урт хугацаан дах трэнд дээр богино мөчлөгөөр дундажлах үйл явцын тусламжтайгаар үнийн өөрчлөлтийн ерөнхий давалгааны зүй тогтлыг тодорхойлохын тулд жирийн дундаж мөлхөгчийг урт болон богин үечлэл болох мөчлөгөөр тооцоолдог.

Богино мөчлөгтэй дундаж нь урт мөчлөг дэх дунджаас бага бол зарах захиалга хийхийг, эсрэг тохиолдолд нь худалдан авч болохыг харуулдаг. Урт хугацааны дунджаас тогтоосон хувь S – c OSC – н тоон үзүүлэлт нь давах үед худалдан авч болно гэсэн дохио болдог бөгөөд зарах дохио нь OSC сөрөг утгаа авах үед тохиолддог.

OSC = MAn – MAm

Авах BUY: OSC > S*MAn

Зарах SELL: OSC = < -S*MAm

Осциляторыг ашиглах үедээ дараах нөхцлүүдийг тооцох шаардлагатай.

Осциляторыг арилжаа нь тодорхой чиглэлгүй явагдаж байгаа үед хэрэглэдэг бөгөөд өсөж яваа чиглэлийг илэрхийлэх дохиолол дээр анхаарлаа хандуулах хэрэгтэй. (өсөлтийн ерөнхий чиглэл нь худалдан авах дохио юм)

Тэг шугамтай огтлолцож байгаа үед дохио сул ба тийм ч нарийн байхгүй. Хэрэв үнийн өөрчлөгдөх хөдөлгөөний чиглэлийн хандлага нь эсрэгээрээ өөрчлөгдөөгүй нөхцөлд анхаарлаа хандуулах шаардлагагүй.

Осцилятор зааж болох хамгийн дээд утгаа зааж байвал үнэ огцом хурдаар өөрчлөгдөх гэж байгаагаа харуулдаг. Үүнээс осциляторийн заалт тухайн чиглэл ба өмнөх чиглэлийн төгсгөлөөс илүү давж болзошгүй бөгөөд цаашдаа өсөх хандлагатайгаар тухайн бүсэд хэд хэд савлах болно. Хэрэв осцилятор дээд утгаа авах тэр цэг дээр осцилятор хэд хэд савлаад цааш тэр цэгээ шууд орхих нь хамгийн том баталгаатай дохио болно.

Үнийн график болон осциляторийн зөрүү (дивергенц)

Үнийн график дээр үүсч байгаа шинэ үзүүр орой бүр нь өмнөх оройноосоо ямагт давдаг боловч осцилятор үүнийг яг баталж чаддаггүй. Дивергенцийн хэмжээ (зөрүү хэмжээ) нь ханшийн өөрчлөлт хэр хүчтэй, далайцтай өөрлөгдөхөд нөлөөлдөггүй. Гэсэн ч дивергенцийг ашиглах нь техник шинжилгээний хамгийн найдвартай аргуудын нэг байсаар ирсэн.

Осциляторийн график дээр чиглэл, эсэргүүцлийн болон дэмжигч шулуунуудын хамт ашиглахад илүү ашигтай. Арилжаан дээр үнийн графикуудын хэлбэрийг харснаас илүүтэйгээр техник шинжилгээний дүнд үүссэн сонгодог хэлбэрүүд ихэвчлэн тохиолдох бөгөөд энэ нь ч илүү ач холбогдол өндөртэй байх болно.

Урьдчилан худалдан авах болон зарах захиалга хийж болох цэгийг байгуулсан график, арилжаа хийж байгаа бүтээгдэхүүнийхээ төрөл, ашиглаж байгаа цагийн интервалаасаа хамаарч тус бүрд нь тогтоодог. Эдгээр нарийн шүүлт шалгуур дээр тодорхойлсон, хэзээ хаана захиалга хийж болох дохионы 2-5 хувь нь худлаа гарах буюу хуурамч дохио эзэлдэг.

Осциляторийг ямар цагийн мөчлөгт ашиглаж байгаагаас хамаарч дохио янз бүр өгөгдөнө. Богино мөчлөгтэй үед олон давтамжтай дохио ирэх ба мөн хугацааны хоцрогдол бага үүсэх боловч хуурамч дохионы тоо үүнийгээ дагаад ихсэнэ. Харин урт мөчлөг дээр ажиллах үед дохио багасч хоцрогдол ихэсдэг боловч харьцангуй найдвартай байдаг.

* Индикатор

2009-10-03T02:07:00.000-07:00

Энэ өдрийн мэндийг хүргэе! Бид өмнөх хичээлээр мэдрэгчийн талаар тоймлон хүргэсэн бөгөөд энэ удаа арай дэлгэрэнгүй өгүүлэх гэж байна. Өмнө хэлсэнчилэн мэдрэгчүүд маань зорилго агуулгаараа дараах байдлаар хуваарилагддаг байна.

Гэхдээ энэ хуваарилалт нь мөн л дамжуулагч платформ болон байгууллагуудаас гаргадаг өөр өөр ангилалууд ч байдаг. Хэдийгээр эдгээрийг зориулалтын дагуу ангилж байгаа ч зохиогчид болоод гаргасан байгууллагууд нь чиглэл зориулалтынх нь хувьд зарим нэг нь дагнан гаргадаг бол зарим хэсэг нь бүх чиглэлд зохицуулан гаргадаг ч байдаг байна.

За ингээд доор зарим нэгэн ангилалаар харуулсан төрөл ангилалын хэлбэрийг бичиж үлдээлээ.

1. Treind

1.1. Average Directional Movement Index

1.2. Bollinger Bands

1.3. Commodity Channel Index

1.4. Moving Average

1.5. Parabolic SAR

1.6. Standard Deviation

2. Oscillators

2.1. Average True Range

2.2. Bear Power

2.3. Bull Power

2.4. DeMarker

2.5. Envelopes

2.6. Force Index

2.7. Ichimoku Kinko Hyo

2.8. MACD

2.9. Momentum

2.10. Moving Average of Oscillator

2.11. Relative Vigor Index

2.12. Stochastic Oscillator

2.13. Williams’ Percent Range

3. Volumes

3.1. Accumulation/Distribution

3.2. Money Flow Index

3.3. On Balance Volume

3.4. Volumes

4. Bill Williams

4.1. Accelerator Oscillator

4.2. Alligator

4.3. Awesome Oscillator

4.4. Fractals

4.5. Gator Oscillator

4.6. Market Facilitation

5. Custom

5.1. Accelerator

5.2. Accumulation

5.3. Alligator

5.4. ATR

5.5. Awesome

5.6. Bands

5.7. Bears

5.8. Bulls

5.9. CCI

5.10. Heiken Ashi

5.11. Ichimoku

5.12. iExposure

5.13. MACD

5.14. Momentum

5.15. Moving Averages

5.16. OsMA

5.17. Parabolic

5.18. RSI

5.19. Stochastic

5.20. ZigZag

Энэ бүхнийг оролцогчид өөр өөрсдийнхөө ашиглаж сурсан зарим хэсгийг ашигладаг бол гаргач байгууллагуудын хувьд аль болох сонголт өндөртөйгээр зохион байгуулдаг.

Та бүхний сурлагад өндөр амжилт хүсье! Хүндэтгэсэн: "Mongolian Forex Center"

* Индикатор түүний тухай ерөнхий ойлголт...

2009-10-03T02:04:00.000-07:00

Сайн байцгаана уу? Өнөөдрийн хичээлээр бид индикаторуудын талаар бичих болно. Форексийн зах зээл дээр арилжаанд оролцоход бид их олон төрлийн багаж хэрэгслийг ашиглахаас гадна мэдээлэл, шинжилгээний талаар байнгын хангамжаар хангагдах шаардлагатай байдаг. Эдгээрийн ихэнх нь арилжааны платформууд дотор байрлаж байдаг ба ашиглаж байгаа платформоос шалтгаалж тэдгээрийн талаархи мэдээллүүд нь их бага янз бүр байдаг. Ерөнхийдөө эдгээрийг агуулга зориулалтынх нь хувьд ангилан төрөлжүүлдэг бөгөөд тэдгээрийн дотор ихэнх төлөв ашиглагддаг мэдээллэгчүүдийг платформууд өөртөө агуулсан байдаг гэж ойлгож болно.

Бид мэдээллэгч гэж хэлж бичээд байгаа нь энэхүү форекс ертөнцөд ашиглагддаг хамгийн гол хэрэглэгдэхүүний талаар маш сайн ойлголттой байх шаардлагатай бөгөөд энэ удаа бид зөвхөн ерөнхий ойлголт оруулах гэж байна. Арилжаа явуулахад бид хамгийн түрүүнд ханшийн хэлбэлзэл ямар хэмжээнд байгаа, одоогоор захиалгийн төрөл хэмжээ хэр байгаа, оролцогчдын түвшин хэр байгаа, ханш цаашид өсөх буух талаархи урьдчилсан таамаг магадлалуудыг мэдэж байх нь хамгаас чухал гэдэгтэй санал нийлэх бизээ. Тиймээс эдгээр мэдээллүүдийг зориулалт агуулагын хувьд тус тусад шинжилэн гаргадаг байгууллага, эрдэмтэн судлаачид байдаг бөгөөд тэдгээрийг ерөнхийд нь INDICATOR хэмээн нэрлэдэг байна. Бид үүнийг мэдрэгч гэж орчуулахыг хүсэж байна. Ингээд мэдрэгчүүдийг утга зориулалтынх нь хувьд дотор нь хэд хэдэн төрөлд ангилан авч үздэг талаар танилцуулахыг зорилоо.

Мэдрэгчүүд нь дотроо одоогийн ханшийн төлөв байдал, ирээдүйн чиг хандлага, оролцогчдын болон захиалгын төрлийн харьцаа гэх зэрэг маш олон талаас нь шинжилэн харуулдаг тусгай багажуудтай байдаг.

Хичээл цааш үргэлжилнэ...

* Ralph Nelson Elliott ба Еллиот давалгаа болон Leonardo Pisano Fibonacci -ийн тоон дараалалын нээлтүүд форекс арилжаанд хэрхэн ашиглагдах талаар..

2009-10-03T02:02:00.000-07:00

Сайн байцгаана уу? Өнөөдрийн хичээлээрээ бид өмнө үзсэн хичээлийн төгсгөлд амласан ёсоор Форекс ертөнцийн алдартнуудын заримаас бичих гэж байна.

Ralph Nelson Elliott болон Эллиотын давалгааны зарчим

Энэ хүний талаар инжинерийн боловсрол эзэмшсэн хүн болгон мэддэг билээ. Гэхдээ бид өнөөдөр энэ хүний түүх намтрын талаар биш форекс ертөнцөд оруулсан хувь нэмэр, алдарт нээлтийн талаар өгүүлэх гэж байна.

Ralph Nelson Elliot нь 1871 оны 7 сарын 28-ны өдөр Техас мужийн Канзаст төрсөн. Тэрээр инжинерийн боловсрол эзэмшсэн бөгөөд 1930-аад оны эхээр хөрөнгийн биржийн ханшийн үзүүлэлтүүдэд судалгаа шинжилгээ хийж эхэлсэн гэдэг. Ralph Nelson Elliot нь өөрийн хийж байгаа шинжилгээ судалгаагаа гол төлөв Доу Джонсын индекс дээр хийдэг байжээ.

Судалгаа хийж байхдаа тэр индексийн ханшийн өөрчлөлтүүдэд нэгэн хөдөлгөөн давтагдаж байгааг олж харжээ. Энэ нь одоогийн бидний арилжаанд ашиглагддаг нэгэн хууль буюу зарчим болох давлагааны тухай анх олж мэдсэн байна. Үүнийг тэрээр ямар нэгэн тодорхой хэмнэлтэй байгааг зүйрлэн хэлэхдээ далайн давалгаа хүчтэй давалгаалж орж ирээд буцдаг, дахин орж ирээд буцдаг.

Гэхдээ дараа дараачийн давталтууд нь анхны хүчтэй давалгаанаасаа арай хүч багатай орж ирээд буцдаг байнгын давтамжтай байна. Энэ давалгаа бол ханшийн буюу үнийн хэлбэлзэлтэй нэгэн адил бөгөөд ханш аль нэг тийшээ явж байгаа бол тэр л зүгтээ үргэлжилэн явах бөгөөд хүчтэй өсөлт (уналт) ирсэний дараа өмнөхөөсөө хүч нь багасан орж ирнэ. Үүнийг бид Эллиот давалгааны зарчим гэж нэрлэж байна.

Хэдийгээр энэ зарчмыг анх нээсэн гэж үздэг боловч хамгийн анхны эх үндсийг 13 зууны үед амьдарч байсан Италийн аугаа эрдэмтэн Фибоначчийн нээсэн тоон дарааллын хууль гэж үздэг байна.

Хэрэв та бүхэн энэ бүхний талаар дэлгэрэнгүй мэдэхийг хүсвэл: http://www.elliottwave.com/info/elliott_bio.aspx гэсэн хаягаар хандан орж үзэж болно.

Одоо ингээд Leonardo Pisano Fibonacci -ийн талаар болоод түүний нээсэн тоон дарааллын хуулийн талаар сонирхцогооё.

Leonardo Pisano Fibonacci нь өөрийнх нь жинхэнэ нэр биш бөгөөд Leonardo of Pisa, Leonardo Pisano, Leonardo Bigollo гэхчилэн нэрлэдэг байсан бөгөөд Фибоначчи гэсэн нэрээрээ алдаршсан юм. Тэрээр 1170-1228 оны хооронд амьдарч байсан.

Римын император Фридрих II тухайн үед дайн тулааны оронд цусгүй тэмцээн буюу математикийн уралдаан тэмцээн их явуулдаг байжээ. Энэ л үед ноён Фибоначчи од болжээ. Тэрээр "Liber Abaci" хэмээх номондоо туулайн үржих томъёо буюу тоон дарааллын талаар бичсэн нь шинэ нээлт болжээ. Торонд эр туулай суулгаад эм туулай нэмж оруулна. (1+1) Тэд хоёулаа боллоо. Туулайнууд үржлийн ажлаа зөнгөөрөө хийцгээнэ. Аз жаргалтай шөнийн дараа туулайнууд яг Фибоначчийн тоон дарааллаар өсөн үржиж эхлэнэ. Энэ нь1 эм туулай биологийнхоо үржлээр жилд 300 гаруй болон үрждэгийг харуулж байгаа юм.

Фибоначчийн тоон дараалал нь:

1, 1, 2, 3, 5, 8, 13, 21, 34, 55, 89, 144... гэх мэтчилэн үргэлжилнэ. Энэхүү тоон дараалал нь зүгээр ч нэг тооны дараалал биш юм. Тухайн тоонууд байнгын өөр хоорондоо холбоотой байна. Хоёр хөрш тооны нийлбэр нь дараагийн тоотой тэнцүү байдаг. Жишээ нь:

1+1=2

1+2=3

2+3=5

3+5=8

5+8=13 гэх мэт...

Ямарч тоог дараагийн тоотой харьцуулахад 0,618 гэсэн тоонд ойртож очоод байдаг. Жишээлбэл:

1/1=1;

1/2=0.5

2/3=0.67

3/5=0.6

5/8=0.625

13/21=0.619

21/34=0.617

34/55=0.618

55/89=0.6179

89/144=0.618

144/233=0.618 гэх мэтчилэн үргэлжилнэ. Тоонууд маань дандаа 0,618 гэсэн бутархай тооны орчим эргэлдэнэ.

Харин одоо бид дараагийн тоог урьдах тоотой харьцуулан харцгаая.

13/8=1.625

21/13=1.615

34/21=1.619

55/34=1.617

89/55=1.618

144/89=1.6179 гэх мэтээр үргэлжлэх бөгөөд бас л тоонууд маань 1,618 гэсэн тооны хавьд эргэлдэж байгааг анзаарч болно.

Нэг тоо алгасаад дараагийн тоотой харьцуулбал:

13/34=0.382

Нэг тоог алгасаад өмнөх тоотойгоо харьцуулбал:

34/13=2.615 гэх мэт сонирхолтой тоонууд гараад байна.

1,618

0,618 гэсэн эдгээр коэффицентийг эртний Грек болон Египтийн математикчид мэддэг байжээ. Түүнийг "Алтан коэффицент" (Алтан судал) гэж нэрлэдэг байна. Энэ зарчмыг ашиглан Египтийн приамидууд баригдсан байдаг гэж үздэг.

Дээрхи зургуудаас хараад та бүхэн алтан судал буюу алтан коэфицент үйлчилсэн байгааг анзаарч байгаа бизээ.

За одоо тэгвэл бидний арилжаанд хэрхэн ашиглагддагийг дараах зургуудаас харцгаая.

Үнэ өсөөд буурлаа. Энэ тохиолдолд бууралтын түвшинг зааж байна.

Хэрэв ханш өсвөл өсөлтийн боломжит түвшинг бас зааж байна.

Өсөлтийн түвшин 1,618 коэфиценттын ойр байгааг харлаа.

Өсөлтийн хувь 1,618; 2,618; 4,236 гэсэн коэфицент заадаг бол ханшийн уналтийн хувь 0,618; 0,382; 0,236 гэсэн коэфицентуудад ойрхон очих болно. Яагаад заавал 38% эсвэл 62% хувь байх ёстой гэж... Фибоначчи-ийн тоо болгон дараагийн тооны 62 хувьтай тэнцүү байдаг юм. Тиймээс ханшийн өсөлтийн үед ч тэр ханшийн уналтын үед ч тэр тухайн ханшийн 38% болон 62% хувьд хүрэх магадлал өндөр байдаг байна.

* Ханшийн доод дээд цэгүүдийг ашиглан өөрчлөлтийн ирээдүйг мэдрэх зарим аргууд.

2009-10-03T01:59:00.000-07:00

Энэ өдрийн мэнд хүргье!

Өнөөдрийн хичээлээрээ бид өмнөх хичээлээс үндэслэн ханшийн дээд болон доод цэгүүдийг болон өсөлт уналтын бүсүүдийг олж тогтоогоод тэдгээрийг дараагийн давталттай холбон шугам татсанаар бид тухайн арилжааны явц өсөөлттэй эсвэл уналттай байгааг мэдэхээс гадна хэр үргэлжлэх, цаашид ханш эсрэг зүгтээ эргэх мөч ойртож байгаа эсэхийг мэдрэх боломжууд олгож байдаг гэдгийг сайн тогтоож авах хэрэгтэй.

Тэгэхээр одоо бид дээд доод цэгийн талаар сайн мэдэх тул харин тэдгээрийн бүс (zone) гэдэг талаар эхлээд үзье. (зураг 1)

зураг 1

Бид энэ зураг дээр өсөлт уналтын цэгүүд болон тэдгээрийн бөөгнөрлийг бүс гэж хэлж байгаа бөгөөд өсөлтийн бүсийг Resistance zone, уналтын бүсийг Support zone гэж нэрлэдэг.

Эдгээрийг бид хамгийн дээд хамгийн доод буюу их бүс болоод тэдгээрийн дотор байх бүсүүдийг бага бүс хэмээн нэрлэдэг. Энхүү бүсүүдийг их бүс бага бүс гэж ангилсан нь арилжааны явцад ханш цаашид хэрхэн өрнөхийг мэдрэхэд нөлөөтэй үзүүлэлт мөн. (зураг 2)

Дараагийн зураг дээрээс тодорхой харъя.

зураг 2

Ханшийн дээд доод их бүсүүдийн хооронд ханшийн богино хэлбэлзлэлүүдийг бага бүсүүд болгон нэрлэснээрээ бидний арилжааны ханш өсөлттэй эсвэл уналттай явахыг тодорхойлдог. Одоо бид ханшийн өсөлт уналтын чиглэлийг тодорхойлох бөгөөд хэрхэн зурахийг үзье. Ханш уналттай байх тохиолдолд дээд ханшуудыг холбож уналтын чиглэлийг гаргадаг бол ханшийн өсөлтийн чиглэлийг тодорхойлохдоо доод ханшуудыг холбож өсөлтийн чиглэлийг тодорхойлдог байна. Үүнийг уналтын чиглэл буюу downtrend, өсөлтийн чиглэл буюу uptrend гэж нэрлэдэг. (зураг 3)

зураг 3

Зураг дээрээс харахад өсөлтийн болон уналтын үед өсөлт уналтын чиглэлийг зурдагтай нэгэн адил ханшийн тогтвортой үед чиглэлийг зурна. Энэ тохиолдолд тогтвортой чиглэлийн шугам татаад түүнийгээ sideways trend гэж нэрлэнэ.

зураг 4

Одоо бид өсөлт уналтын чиглэлийг нэгэнт тогтоож сурсан болохоор түүнийхээ тусламжтайгаар өсөлт уналтын хонгилийг тодорхойлон зурж сурах юм. Энэ нь тухайн зурагдсан хонгилын хүрээнд ханш хэлбэлзэн явагдахыг тодорхойлж байгаа гэж ойлгож болно. (зураг 4) Гэхдээ бид тэрхүү шугамыг татахдаа уналтын трэнд байгаа бол resistance бүсийг холбосон шугамтай параллель шугам татан доод цэгүүдийг дайруулан татна. Энэ нь уналтын хонгил болно. Харин өсөлтийн хонгилыг татахдаа дээрхийн эсрэгээр support бүсүүдийг холбосон шугамтай параллель шугам татан ханшийн дээд цэгүүдийг дайруулан татдаг. Энэ нь өсөлтийн хонгил болох юм.

Бид өсөлт уналтын хонгилыг тодорхойлсноороо (зарим хүмүүс коридор тунель гэж ч ярьж бичдэг) тухайн үед арилжааны захиалга өгөх чиг хандлагыг мэдрэх боломж бүрддэг гэж ойлгож болох боловч хэрэв зурагдсан хонгилоосоо аль нэгэн тийшээ хэтрэн тэмүүлбэл уг хонгилийг хүчингүй болж байна гэж үзнэ. Энэ мөчид ямар нэгэн захиалга өгөхгүй байх нь дээр юм. Харин дараагийн тренд үүссэний дараагаар шинэ хонгилийн шугамыг татан тодорхойлсны дараа арилжаагаа эхлэх нь зөв байх юм.

За бид энэ удаагийнхаа хичээлийг үүгээр өндөрлөж байна. Бид дараа дараачийн хичээлүүдээрээ Форекс ертөнцийн амьдралд томоохон нээлтүүдийг бий болгосон олон эрдэмтэдийн зарим нэгийнх нь талаар өгүүлэх болно. Тэдний амьдрал түүхийг бус форекс зах зээл дээр тэдний бий болгосон дүрэм томъёо, арга техникийн талаар болоод түүнийг хэрхэн ашиглах талаар бичих болно.

Та бүхэнд сурлагын өндөр амжилт хүсэн хүндэтгэсэн: "Mongolian Forex Center"

* Support болон Resistance, түүнийг ашиглах нь...

2009-10-03T01:55:00.000-07:00

Support Resistance гэдэг нь аль нэгэн трэндийн хязгаарууд гэсэн ерөнхий утгыг агуулдаг бөгөөд тэдгээрийг судалгаа гаргадаг компаниудын нэрээр нэрлэхээс гадна тухайн үеийн графикийн нэршлүүдтэй холбон тайлбарласан ч байдаг.

Энэ зураг дээр байгаагаар үзвэл ханшийн өсөлттэй явагдаж байгаа маркет буюу bull market гэж үзнэ. Энэ тохиолдолд Support Resistance- ийн үндсэн хууль болох resistance юм уу support – ийн шугам дээр хүрээд ханш эсрэг тийшээ явна гэсэн ерөнхий утгатай ойлголт гэж болно. Ханшийн уналтын хязгаарыг support (зураг 1) гэх бөгөөд өсөлтийн хязгаарыг resistance (зураг 2) гэнэ. Эдгээр давхацсан бүсүүдийг холбосон шугамыг support level, resistance level гэдэг.

Хэрэв Resistance юм уу support-ийн шугамыг нэвтлэн гарвал цаашид өсөлт болон уналт үргэлжлэн явдаг гэж ойлгож болно. Харин бид support level resistance level гэдгийг хэрхэн мэдэх, түүний шугамийг яаж зурах гэдгийг мэдэх нь чухал юм.

зураг 2.

зураг 1

Бид дээд доод ханшийн хаалтын цэгүүдийг холбосноор support level, resistance level гэдэг шугамуудыг зурж болно. Гэхдээ уналтаас (өсөлтөөс) эргэн өсч (унаж) буцаад дараагийн уналтын (өсөлтийн) доод (дээд) цэг хүрэх тэр үеэс эхлэн уг шугамыг татдаг. Бид нэгэнт татсан шугам хаагуур байгааг харж байгаа болохоор дараагийн өсөлт эсвэл уналт нь уг шугамаас давах уу, эргээд буцах уу гэдгийг л ажиглах хэрэгтэй. Ингэснээрээ бид цаашид энэ байдлаараа хэр удаан үргэлжлэх эсвэл энэ байдал эвдэгдэн өөр нөхцөл байдал үүсч болохыг урьдчилан мэдрэх боломжтой болно.

Support level, resistance level-ийг зарим тохиолдолд бага зэрэг сэтлэх буюу нэвтлэн гарах нь бий. Үүнийг үнэхээр нэвтэрсэн гэж шууд үзэж бас болдоггүй байна. Бага зэргийн сэтрэлт байж болох бөгөөд үүнийг тест гэж бас нэрлэдэг байна. Энэ нь support level, resistance level -ийн шугамыг сэтлэх оролдлого байх бөгөөд хэрэв энэ тест нэг биш давтагдаж байвал тэрхүү support level, resistance level шугам нь тийм ч бат бөх хязгаар гэж үзэж болохгүй болж байгаагийн шинж юм. Харин хаалтын ханшууд нь уг шугамуудын дотор талд хаагдаад байвал энэ шугам үнэхээр бат бөх шугам бөгөөд давах магадлал тун бага байх юм байна гэж ойлгож болох юм.

Арилжааны явцад ханш support level, resistance level -ийг даван гарч цаашид улам бүр үргэлжилбэл тухайн шугам эвдэрлээ гэж үзнэ. Хэрэв resistance level эвдэгдсэн бол resistance level нь support level болж хувирдаг ба харин support level эвдэгдсэн бол support level нь resistance level болон хувирна.

Нэмж хэлэхэд эдгээр шугамууд нь заавал налуу эсвэл тэгш хэвтээ байх албагүй, гагцхүү хэд хэдэн рекорд цэгүүд хологдсон байх нь л чухал юм.

* Лантуу буюу Hammer, Hangin man

2009-10-03T01:52:00.000-07:00

зураг 1.

Бид Hammer, Hangin man гэж нэрлэгддэг лааг лантуу хэмээн нэрлэж болох юм. Үүнийг хэлбэрийнх нь хувьд ийн нэрлэх нь амар болов уу. (зураг 1) Арилжааны явцад лантуу үүсэхэд трэнд эсрэг тийш үүсч магадгүй гэсэн дохио гэж ойлгож болно. Арилжааны график дээр хэрхэн харагддагийг доорх зургаас сайтар ажиглаж аваарай. (зураг 2)

зураг 2.

Зураг дээрээс харахад ханш уналттай явж байгаад бух лантуу (Hammer) гарч ирсэн байгаа бөгөөд үүний дараагаас өссөн байна. Энэ нь баавгайн хүч эрс суларч эсрэгээр бух хүч түрэн орж ирж буйг илтгэнэ. Ингэснээр бух хүчтэйгээр ханшийг өсгөсөн байна. Тэгвэл зургийн хойд хэсэгт бол өсөлттэй трэндийн төгсгөлд баавгай лантуу (Hangin man) гарч ирсэнээр бухийн хүч эрс саарч улмаар баавгайн эсэргүүцэл ихэсч ханшийг буулгасан трэнд харагдаж байна. Энэ тохиолдол нь өмнөх хичээлүүдэд өгүүлэгдсэний нэгэн адил мөн л 100 хувь баталж байгаа гэж хүлээж авах хэрэггүй бөгөөд гол төлөв тохиолддог болохоор ийн тайлбарладаг.

зураг 3.

зураг 4.

Энэ нь лантууны бас нэгэн төрөл бөгөөд дээрхээс төдийлэн их ялгаа байхгүй юм. Лантууны өөрийнх хувьд тухайн хугацаанд бух лантуу үүсэх эхний мөчөөс хаагдах төгсгөлийн мөч хүртэлх хугацаанд их уналттай байсан ханш өсөлт орж эргэсэн байгааг харуулж байсан бол inverted hammer -ийн хувьд бол лантуу эхлэх мөчөөс төгсөх мөч хүртэлх хугацаанд огцом өсөлт орж ирээд өсөлтийн хэмжээ бага зэрэг хасагдан дууссан байгаа юм. (зураг 3) Inverted hammer-ийг буцах лантуу гэж тодруулан нэрлэж болно. Эдгээр нь ердөө тухайн лантууны өөрийнх нь тавилангаараа өөр байгааг харуулах бөгөөд дараагийн хугацаанд гаргах үр дүн төлөвийн хувьд ижил зүйлийг мэдээлдэг гэж ойлгож болох юм. Shooting Star гэдэг нь мөн л дээрхийн адил баавгай лантууны нэгэн хэлбэр бөгөөд харваж байгаа од гэсэн утгыг агуулсан нэршил юм. (зураг 3)

Та бүхэн зураг дээр бас сайн ажиглалт хийж аваарай. (зураг 4) Энэхүү зураг дээрх байдал нь зураг 2-т үзүүлсэнтэй их төстэй байгаа бөгөөд лантууны төрөл нь өөр байгаа ч үзүүлэх үр дүн нь ижил байгааг харж болно.

Одоо бид лаан графикуудын хэрхэн үүсч бий болдог талаар үзье!

зураг 5.

Дээрхи зураг дээрээс бид Hammer буюу бух лантуу хэрхэн бий болсон түүхийг харж болно. Хугацааны эхэнд буюу нээлтийн үеийн лаа болох баавгайн лаа болон хаалтын үеийн сүүлчийн лаа болох бух лаа хоёрын нийлбэрээс уг бух лантуу үүссэн байгаа нь харагдаж байна. Энэ хугацаанд бух лаа нь баавгай лаанаас их ба урт байсан тул энэхүү бух лаа үүссэн байна. Энэ нь хугацааны төгсгөлд буюу дараагийн хугацаа руу шилжих тохиолдолд үлдэж харагдах хэлбэр болно. (зураг 5) Гэхдээ бид лаануудын хаалт нээлтийн ханшийн түвшинг эндээс харж болж байгаатай адил тухайн хугацааны хамгийн дээд болон доод ханшийн цэгийг ч бас харж байна. Тэгвэл зургийн зүүн талын хэсэгт бол хугацааны эхэнд бух лаагаар нээгдэж хугацааны төгсгөлд баавгай лаагаар хаагдсан тохиолдлыг харж байна. Энэ тохиолдолд баавгай лантуу болох харваж байгаа од бий болгожээ.

зураг 6.

Харин энэ зураг ханш нээгдэх мөчид баавгай лаа байсан бөгөөд ханш хаагдах мөчид бух лаа болсон хэдий ч нээлтийн ханшийн цэгээс доор хаагдсан болохоор баавгай лантуу үүсч байна. Зургийн зүүн талын хэсэгт бол нээлтйин ханшийн үед бух лаа байсан бөгөөд хаагдах мөчид баавгай лаа болсон байна. Гэхдээ хаагдах мөчид нээлтийн ханшаас дээр хаагдсан байгаа тул бух од харвасан байдал үүссэн байна. (зураг 6)

зураг 7.

Энэ зураг дээр харин бид арай өөр үр дүнг харж байна. Энэ зургаар бол хугацааны эхэн дунд эцэс аль алинд нь бух лаа тууштай үргэлжилсэн болохоор хугацааны эцэст энэ лааны түүх урт биетэй өсөлтийн лаа буюу том бух бий болсон байгааг харуулж байна. Харин зургийн зүүн хэсгийн байдал бол утгын хувьд ижил боловч эсрэг үзүүлэлтийг гаргасан байна.

За ингээд энэ удаагийн хичээл үүгээр өндөрлөж байна. Та бүхэн шамдан суралцаж байгаад итгэлтэй байна. Сурлагын өндөр амжилт хүсье!

"Mongoligan Forex Center"

*Fundamental шинжилгээ Technical шинжилгээ Форекс зах зээл дээр арилжаанд оролцоход бид юуны түрүүнд ханшийн талаархи суд

2009-10-03T01:49:00.000-07:00

Сайн байцгаана уу, та бүхэнд энэ өдрийн мэнд хүргэе!

Өнөөдрийн хичээлээр өмнөх хичээл дээр үзсэн графикууд дотроос хамгийн их ашиглагддаг, бас хамгийн их мэдээллийг агуулж чаддаг лаан графикийн хэлбэрүүд болоод тэдгээрийн үр дүн, арилжаанд хэрхэн ашиглаж болох талаар заах болно.

зураг 1.

Бидний явуулж байгаа энэхүү сургалтууд нь зохион байгуулагч бидний өөрсдийн олж судалсан, орчуулж мэдсэн зүйлсүүдийг нэгтгэн монгол хэлбэрт хөрвүүлэн оруулж байгаа тул энэ бүхэнд зарим нэг алдаа дутагдал байхыг үгүйсгэхгүй. Та бүхэн үүнийг зөв талаас нь бодолцохыг хүсч байгаагаа үүгээр илэрхийлье!

Өнөөдрийн хичээл. Лаан график нь босоо графикийн шинэчлэн сайжруулсан хувилбар гэж ойлгож бас болно. (зураг 1) Гэхдээ одоогоор дээрх 3 төрлийн графикийг аль алинийг нь ашиглаж байгаа бөгөөд хамгийн их мэдээллийг агуулж чаддаг гэсэн утгаар нь энэхүү лаан графикийг хамгийн ихээр ашигладаг. Лаан график нь өсөлт, уналтыг харуулахаас гадна тухайн хугацаанд хэр их уналт, хэр их өсөлт өгсөн болоод хамгийн дээд доод хязгаарыг ч бас илэрхийлж чаддаг. (зураг 2)

зураг 2.

Өмнөх хичээл дээр бид өсөлт уналтын графикийг өнгөөр илэрхийлдэг гэж үзсэн бөгөөд үүнийг уналт нь улаан өсөлт нь ногоон өнгөөр илэрхийлдэг гэж ойлгосон. Гэхдээ дамжуулагч брокер компаниудын ашиглагдаж байгаа платформуудаас шалтгаалж өсөлтийг цагаан, уналтыг хар өнгөөр ч бас илэрхийлдэг.

Лааны хэлбэрүүд нь болоод биеийн урт богино хэмжээнээс шалтгаалан дараагийн лаа хэр хэмжээтэй ямар өнгөтэй болох үүгээрээ өсөлт уналтын алин болохыг болоод хэр их зөрүүтэйгээр өөрчлөгдөх болох талаархи тодорхой хэмжээний мэдээлэл агуулсан байдгыг олж мэдэх болно. Энэ бүхэн олон жилийн давтамж судалгааны үндсэн дээр судлаач шинжээчид гарган тодорхойлсон байдаг бөгөөд нийтэч дүгнэлтүүдийг тайлбарлан бичсэн байдаг. Тиймээс энэ бүх тайлал нь бас 100 хувь магадлалтай гэсэн хатуу ойлголт авч болохгүй гэдгийг анхааруулах хэрэгтэй. Ер нь магадлалуудын хувьд ихэнх тохиолдолд давтагддаг хөдөлгөөнүүдийг тайлбарлах болно.

зураг 3

Open; Close; High; Low гэсэн цэгүүдийг бид лаан гарфик дотроос харж байгаа. (зураг 3) Харин их биеийн дээд доод хэсэгт гаргасан илүү зураасыг бид лааны утас гэж ойлгож болно. Энэ утас тодорхой агуулга илэрхийлдэг болоод ч лаан график гэж нэрлэхэд нөлөөлсөн байхыг үгүйсгэхгүй. Гэхдээ энэ лаа бол дээшээ бас доошоо гарсан утастайгаараа онцлог байна. (зураг 3) Тэдгээр утаснуудыг Lower Shadow, Upper Shadow гэж нэрлэнэ. Эдгээр утаснуудын урт богино нь бас өөр өөрийн гэсэн мэдээлэл агуулж байдаг. Их урт байвал ханшийн рекорд цэг хаалт нээлтийнхээ ханшаас их хол очсон, харин их богино байвал хаалт нээлтийн ханшинд ойролцоо рекорд цэгүүд тогтоосон гэж үзнэ.

Зураг 4

Sexy Candle лааны бие

Лаа нь өөрөө утастай байдгийн адил биетэй байгааг бид харж байна. Лааны бие нь тухайн хугацааны туршид арилжааны өсөлтийн эсвэл уналтийн хэмжээг илэрхийлнэ. (зураг 4) Хэрэв бие нь богино заримдаа биегүй шахуу хэмжээтэй лаа үүссэн байвал тэр хугацаанд арилжаа төдийлэн явагдаагүй буюу явагдсан ч ханшийн хувьд өөрчлөлт ихээр өгөөгүйн илэрхийлэл болно. Харин хэдий чинээ урт биетэй байна төдий чинээ арилжаа идэвхитэй, ханш хол хэлбэлзсэнийх гэж тодорхойлдог.

зураг 5

Long upper Shadow – Энэ хэлбэр нь ханш нээгдэх мөчид өсөлт өгсөн боловч хаагдах мөчид уналттай төгссөн болохыг харуулж байна. Өөрөөр хэлбэл хугацааны эхэнд ханш нээгдэх мөчид бух буюу bullish байж байгаад хугацааны төгсгөл рүү bear буюу баавгай хүч түрэн орж ирсэнээр лааг эсрэгээр өөрчилсөн гэдгийг үзүүлж байгаа юм. Бух баавгай хоёр байнга тэмцэлддэг гэдэг бөгөөд энэ удаад баавгайн хүч ихэсч ханшийг доошоо буулгасан байна. (зураг 5а) Цагаан лаа буюу Long lower Shadow нь харин дээрхийн яг эсрэг үзүүлэлтийг харуулна. Энэ удаад харин баавгайн хүч суларч улмаар бухын ялалт гарснаар ханшийг өсгөсөн байна. (зураг 5б)

Зураг 6

Харин дараагийн зураг дээрх хэлбэр бол төдийлэн арилжаа тийм ч их явагдаагүй бөгөөд бух баавгайн хүч аль аль нь бас тийм ч ихгүй байж өнгөрснийг харуулж байна.

(зураг 6)

зураг 7

Харин энэ зураг дээр бол цагаан ба хар лаа илт давамгайлсан байна. Цагаан нь бухнууд баавгайг ялсан. Хар лаа нь нөгөө утгаараа бавгайнууд ямар ч боломж олголгүй бухыг ялсан гэсэн үг. (зураг 7)

зураг 8

Doji

Doji лаа нь их жижигхэн биетэй бараг биегүй ч байж болно. Энэ нь тухайн хугацаанд бух баавгай хоёр аль аль нь бие биеээ ялж чадаагүй бөгөөд трэнд үүсэх бол ханш эсрэг тийшээ эргэх магадлал байна гэдгийг илэрхийлж байгаа юм. (зураг 8, 9)

зураг 9

зураг 10

Long candle + Doji

Ханшийн өөрчлөлт болон өсөлт уналтын явцыг Trend гэж гол төлөв ярьж бичдэг бөгөөд бид график зөв уншиж сурснаараа

өсөлтийн trend, эсвэл уналтын trend ойртож байгааг болоод өнгөрсөн ханш аль trend-ээр явагдаж өнгөрснийг төвөггүй мэддэг болно. Дараах хэлбэрүүд дээр Bull Trend -ээр арилжаа үргэлжилж байгаад Doji гарж ирсэн байна. Энэ нь trend эргэхийн дохио болох магадлалтай, гэхдээ шууд sell захиалга сонгох гэж яарах хэрэггүй юм. Учир нь 100 хувь trend эргэнэ гэж батлаагүй байгаа. Бид үүнийг бага зэргийн магадлал бий л гэж ойлгож болно. Харин Doji гарч ирэхдээ баруун талын баавгай буюу bear candle-ийн close хязгаар болох хаалтын ханшийн цэгээс доор гарч ирсэн үед дээрх магадлал өмнөхөөсөө илүү болохыг мэдэж авч болно. (зураг 10а) Харин дараагийн хэлбэр нь дээрхийн эсрэг боловч өсч яваад унах биш унаж яваад өсөх trend үүсэх гэж буйн шинж гэж ойлгоно. (зураг 10б)

Хэдийгээр энэ хичээлээр график уншиж сурах анхны сургалтуудыг олж мэдэж байгаа боловч дахин сануулж хэлэхэд энэ бүхэн магадлалын талаар бага зэргийн мэдээлэл агуулж байгаа гэж үзэх хэрэгтэй, хэдийгээр энэ магадлалууд нь ихэнх төлөв зөв байх үндэслэлтэй гэгддэг бөгөөд бид эдгээрээс илүү их баталгаа, олон нөлөөлийн хүчин зүйлүүдийг сурч мэдэх шаардлагатай. Иймээс бодит арилжаанд оролцох асуудлын талаар одоогоор бодох хэрэггүй, харин дадлагын данс нээж дадлагажих хэрэгтэй гэж зөвлөж байна.

Энэ удаагийн хичээлийн сэдэв өмнөх хичээлүүдийн сэдвүүдийн дэргэд агуулга ихтэй учир хуваан бичихээр шийдвэрллээ. Дараагийн хичээлээр та бүхэн энэхүү хичээлийн үргэлжлэлийг хүлээн авах болно. Та бүхэнд үнэт цагаа зориулан байж хичээнгүйлэн шамдаж байгаад дахин талархлаа илэрхийлж байна. Хүндэтгэсэн: "Mongolian Forex Center"